БАЛАЛАР БАҠСАҺЫ ТУРАҺЫНДА ДӨЙӨМ МӘҒЛҮМӘТ

Муниципаль мәктәпкәсә белем  биреү бюджет учреждениеһы- «Бала үҫтереү үҙәге – «Аҡбуҙат» балалар баҡсаһы башҡорт телендә белем- тәрбиә биреү учреждениеһы. Проект ҡеүәтлелеге – 240 урын. Бөгөнгө көндә барлығы 12  төркөм- 3 төркөм иртә йәштәге кескәйҙәр өсөн (1 - 3 йәшкә тиклем),  9 төркөм -мәктәпкәсә йәштәге балалар өсөн (3-8 йәшкә тиклем), шуның 2 төркөмө һаулыҡ яғынан мөмкинселектәре сикләнгән балалар өсөн тәғәйенләнгән. 

Дөйөм балалар һаны – 255, һаулыҡ яғынан мөмкинселектәре сикләнгән балалар һаны – 21. 

Муниципаль мәктәпкәсә белем  биреү бюджет учреждениеһы-«Бала үҫтереү үҙәге – «Аҡбуҙат» балалар баҡсаһының филиалы – «Аманат» балалар баҡсаһы Сибай ҡалаһы, Күсимов урамы, 7 адресы буйынса урынлашҡан. Бында 1,5 - 3 йәшкә тиклемге балалар өсөн ике төркөм булдырылған. Балалар һаны – 50. Балаларҙың милли составы - башҡорт.  

2020 йыл ноябрь айында Бала үҫтереү үҙәге - "Аҡбуҙат " балалар баҡсаһында
1 - 2 йәшкә тиклемге кескәйҙәр өсөн 21 урынлыҡ өр - яңы төркөм асылды. Йылы, иркен, заманса йыһазландырылған был төркөм " Демография" милли проект сиктәрендә тормошҡа ашырылды. 

Балалар баҡсаһының төп бурыстары:

Маҡсат: мәктәпкәсә йәштәге балаларға  белем-тәрбиә биреү  системаһының сифатлы булыуын тәьмин итеүҙә  инновацион  технологиялар  ҡулланыу, һәр балаға   сифатлы мәктәпкәсә белем-тәрбиә алыу өсөн  тигеҙ мөмкинселектәр  булдырыу.

Бурыстар:

1.  Тәрбиәләнеүселәрҙең, шул  иҫәптән һаулығы буйынса  мөмкинселектәре  сикләнгән балаларҙың индивидуаль һәләтен асыҡлау, үҫтереү өсөн шарттар булдырыу;
2. Белем - тәрбиә  биреү процесында электрон  ресурстарҙы заман талабына ярашлы һөҙөмтәле ҡулланыу;
3. Балаларҙың һаулығын һаҡлау,  үҙ  һаулығына ҡарата һаҡсыл  ҡараш формалаштырыу;
4. Иртә йәштәге кескәйҙәрҙең үҫешен тәьмин итеү; 
5. Педагогтарҙың юғары профессионализмын һәм квалификацияһын күтәреү;

Тәрбиәләнеүселәрҙең һәм педагогтарҙың милли составы, белеме, квалификацион категорияһы тураһында дөйөм мәғлүмәт

Мәғариф өлкәһендәге алдынғы педагогтар

Мәғариф өлкәһендәге педагог - новаторҙар