МДОБУ ЦРР - детский сад "Акбузат" город Сибай Республика Башкортостан

#БалаларҙыЯҡлауКөнө
Балаларҙың көлөшкәнен
Ишетһен Ер, тыңлаһын Ер!
Балаларҙың көлөүенән
Бер саҡта ла тынмаһын Ер!
Йәйҙең беренсе көнөндә илебеҙҙә һәм бөтә донъяла үҙенсәлекле байрамдарҙың береһе - Халыҡ-ара балаларҙы яҡлау көнө билдәләнә. Был көндө балаларҙы яҡлауға, физик һәм рухи-әхлаҡи сәләмәтлектәрен һаҡлауға йүнәлтелгән саралар уҙғарыла. Беҙҙең "Аҡбуҙат" балалар баҡсаһының тәрбиәләнеүселәре менән дә ошо байрамға арналған бик матур сара үткәрелде. (Тәрбиәселәр: Иҙрисова Р. Х., Юнысбаева Г. Ғ., Тулыбаева Г. Ғ., тәрбиәсе ярҙамсыһы Чертухина Ә. Р.) Байрамға әкиәт геройҙары Клоун, Буратино, Изгелек феяһы килеп, күңелле уйындар уйнатып, балаларҙың кәйефен күтәрҙе. Тағы ла балалар асфальтҡа һүрәт төшөрҙөләр һәм бүләк алып ҡыуандылар. Көн һайын һәр йорт балалар йылмайыуына һәм шатлығына күмелһен!

#1Июнь
#БалаларҙыЯҡлауКөнө
#АҡбуҙатБалаларБаҡсаһы
Балалар - беҙҙең киләсәк,
Ер йөҙөнөң биҙәге.
Шишмә кеүек саф тауышлы,
Сабый бала көлгәне.
Бәхетле сәләмәт үҫһен
Ерҙәге һәр бер бала.
Тыныс булһын килер көндәр,
Ҙур юлдар илтһен алға.
1 июнь Халыҡ - ара балаларҙы яҡлау көнө айҡанлы "Аҡбуҙат" балалар баҡсаһының уртансылар төркөмө тәрбиәселәре Ә. Ә. Ташбулатова, Ә. Ш. Хәсәнова тәрбиәләнеүселәренә "Ҡояш беҙҙә ҡунаҡта" исемле исемле сара ойошторҙо. Байрам ваҡытында төрлө хәрәкәтле, дидактик уйындар үткәрелде. Байрамға балалар шиғырҙар әҙерләнеләр. Байрамды тағы ла Ҡояш йәнләндереп ебәрҙе. Байрам аҙағында балалар асфальтҡа һүрәттәр эшләнеләр һәм Ҡояштан бүләктәр алып ҡыуандылар.