Рус түгелмен, ләкин россиян мин,
Россиян мин — ниндәй ғорурлыҡ!
Биш ғүмерең миңә кәрәк түгел,
Бер яҙмышым шуға торорлоҡ .
Ысынлап та, ниндәй милләт кешеһе булыуға ҡарамаҫтан, бар халыҡ үҙ илен яратырға, хөрмәт итергә бурыслылыр. “Аҡбуҙат” балалар баҡсаһы тәрбиәләнеүселәре лә үҙ иле Рәсәйҙе яратырға, хөрмәт итергә, дуҫ-татыу йәшәргә кәрәклеген кескәй саҡтан өйрәнәләр.
12 июнь илебеҙҙә Рәсәй көнө билдәләнә.Был иреклек, азатлыҡ, тыныслыҡ һәм кешеләрҙең килешеп йәшәү байрамы.Ошо байрам айҡанлы тәрбиәселәр(Хасанова Ә.Ш.,Фәтхетдинова Ғ.Ф.,Йыһангирова Г.М.,Солтанова Ф.Ә.) һәм музыка етәксеһе(Ҡунаҡбаева Г.Р.) тәрбиәләнеүселәр менән бергә төрлө саралар ойошторҙолар. Төрлө һүрәттәр төшөрөп, пазлдар йыйып дәүләт символдарын ҡабатланылар, йомаҡтар сисеп зирәклектәрен күрһәттеләр, бейеү-йырҙар аша үҙҙәренең оҫталыҡтарын астылар, шиғырҙарҙа һәм инде уйындарҙа үҙҙәренең Тыуған илебеҙ Рәсәйгә ҡарата һөйөүҙәрен, ихтирам хистәрен өләштеләр.
Барығыҙҙы ла байрам менән дуҫтар! Дуҫ булайыҡ, берҙәм булайыҡ! Берҙәмлек – мәңге һаҡлар хазинабыҙ!