Һары япраҡтарын елпеп,
Сентябрь килде беҙгә.
Эй йылмаялар балалар,
Шатланып алтын көҙгә.
Яңы портфель тотоп ҡулға,
Яңы формалар кейеп,
Дәртле баҫып, урамдарҙан
Үтә улар, гөр килеп.
Килә балалар көс йыйып
Яңы хеҙмәткә, эшкә.
Бар теләктәре уларҙың
Уҡырға дүрткә, бишкә.
(Ф.Рәхимғолова)
Бөгөн “Аҡбуҙат” балалар баҡсаһында ла ошо айҡанлы “Белем байрамы” исемле сара үткәрелде. Балалар үҙҙәренең яратҡан геройҙары Маршал һәм Крепыш менән белем иленә сәйәхәт иттеләр. Күңелле йырҙар, дәртле бейеүҙәр байрамға йәм өҫтәһә, ә инде ҡыҙыҡлы һәм фәһемле уйындар күңелдәрҙе күтәрҙе.
|