Балаларҙың һаулығын һаҡлау - балалар баҡсаһының төп бурыстарының береһе. Коррекцион белем биреү эшмәкәрлегендә мин дә һаулыҡ һаҡлау технологияларына ҙур урын бирәм. Һаулыҡ аҙналығы сиктәрендә логопунктҡа йөрөгән балалар менән "Күк Ирәндеккә сәйәхәт" исемле ойошторолған белем биреү эшмәкәрлеге ойошторҙом. "Сәйәхәт" барышында балаларға күк төҫтәге бик күп әйберҙәр осраны. Белеүебеҙсә, төҫтәр балаларҙың эмоциональ торошона ҙур йоғонто яһай, ә күк төҫ инде уларҙы тынысландыра, психик һәм физик көсөргәнеште сисә, иммунитетты күтәрә. Шулай итеп, күк төҫтәге әйберҙәргә иғтибар итеп балаларҙың һаулығын нығытыуға булышлыҡ иттем. Балалар Марблс таштары менән уйнанылар, тел һәм бармаҡтарҙы күнектерҙеләр, һүҙҙәрҙе ижеккә бүлделәр, өндәрҙе ишетергә өйрәнделәр, "Дүртенсе артыҡ" уйынын уйнанылар. Мауыҡтырғыс "сәйәхәттән" бик ҡәнәғәт ҡалдылар.
Уҡытыусы - логопед Уразбаева Айгөл Фәтих ҡыҙы
|