"Аҡбуҙат" балалар баҡсаһының уртансылар төркөмө тәрбиәселәре Ә. Ә. Ташбулатова, Р. Ғ. Илбаҡтина "Һаулыҡ - ҙур байлыҡ" тип исемләнгән аҙналыҡ үткәрҙе. Балаларҙы һау - сәләмәт йәшәү рәүеше ҡағиҙәләре менән таныштырыу, гигиена ҡағиҙәләрен үтәүҙең кеше һаулығына йоғонтоһо ҙур булыуын балаларға кесе йәштән аңлатыу маҡсатында бик күп эшмәкәрлектәр үткәрелде.Балалар төрлө әңгәмәләр: "Нимә ул сәләмәтлек? ", "Йәшелсә һәм емештәр", " Һаулығың үҙ ҡулыңда", сюжетлы -ролле уйындар "Дауахана", "Йәшелсәләр магазины", һүрәтләү эшмәкәрлегендә "Йәшелсәләр", "Гигиена кәрәк яраҡтары" һ. б. һәм шулай уҡ темаға ярашлы нәфис әҙәбиәт менән таныштылар. Аҙналыҡты йомғаҡлап "Айболит беҙҙә ҡунаҡта" исемле күңел асыу сараһы үткәрелде. Байрам ваҡытында балалар алған белемдәрен нығытты һәм күңел астылар.
Ташбулатова Әлфиә
|
