8 декабрь көндө " Бала үҫтереү үҙәге - “Аҡбуҙат” балалар баҡсаһында “Мәктәпкәсә йәштәге балаларҙың бәйләнешле телмәрен үҫтереүҙә заманса технологиялар ҡулланыу” темаһы буйынса 2017-2020 йылдарҙа алып барылған инновацион майҙансыҡты ябыу сараһы уҙҙы. Майҙансыҡты педагогик фәндәр кандидаты Рида Хәниф ҡыҙы Гасанова етәкләне. Билдәле булыуынса, балаларҙың бәйләнешле телмәрен һәм аралашыу һәләтен үҫтереү – мәктәпкәсә белем биреү системаһының мөһим бурыстарының береһе. Эксперимент барышында Ушакова О.С., Смирнова Е.А., Веракса Н.А. кеүек киң танылыу яулаған авторҙарҙың методик алымдары ҡулланылды. Тынғыһыҙ эш һөҙөмтәһе булып ижади төркөм тарафынан төҙөлгөн дәрес конспекттары, күргәҙмә-дидактик материалдар торҙо. Методик ҡулланма тәрбиәселәр, ата - әсәләр һәм шулай уҡ уҡыу йорттары студенттары өсөн тәғәйенләнгән.
|