#БашЯз2020
#День Башкирского Языка2020
#БашҡортТелеКөнө2020
#БашТел2020
Халҡым теле миңә - хаҡлыҡ теле,
Унан башҡа минең илем юҡ;
Илен һөймәҫ кенә телен һөймәҫ,
Иле юҡтың ғына теле юҡ!
Тап ошо Рәми Ғариповтың "Туған тел" шиғырындағы был юлдар һәр башҡорттоң гимнына әйләнергә хаҡлы.
14 декабрь - Башҡорт теле көнө билдәләнде, был көндә "Аҡбуҙат" балалар баҡсаһының уртансылар төркөмө ( тәрбиәселәр Ташбулатова Ә. Ә., Хәсәнова Ә. Ш.) тәрбиәләнеүселәре лә ситтә ҡалманы. Балаларға башҡорт теленең матурлығын, нәфислеген, нескәлеген күрә белеү, башҡорт теленә һөйөү тәрбиәләү маҡсатынан сығып бик күп эшмәкәрлектәр ойошторолдо. Балаларға әңгәмәләр " Мин башҡорт телендә һөйләшәм", " Беҙ башҡорттар", сюжетлы - ролле уйындар "Беҙ ҡунаҡта", дидактик һәм милли "Йәшерәм яулыҡ", "Наза" уйындарын уйнанылар, йәбештереү эшмәкәрлегендә "Башҡорт ҡыҙы беҙҙә ҡунаҡта", "Башҡорт халҡының биҙәүестәре" һәм шулай уҡ башҡорт телендә нәфис әҙәбиәттар менән таныштылар, тел тураһында шиғырҙар ятланылар.
Кесе йәштән балаларҙың күңелендә телебеҙгә ҡарата оло һөйөү йәшәгәндә генә ул үҙенең бәҫен юғалтмай быуындан - быуынға күсә килер. Шуға күрә барыбыҙҙың да маҡсаты башҡорт телен онотмау, уны тәрәнерәк өйрәнеү.
|