Бөгөн Аҡбуҙат балалар баҡсаһында һаулыҡ яғынан мөмкинселектәре сикләнгән (дети с ОВЗ) балалар өсөн яңы йыл иртәлеге үтте. Балалар өсөн көтөп алынған байрам сараһы саф һауала ойошторолдо. Йәшел шыршы тирәләй балалар ихлас күңелдән йырланы, бейене, төрлө уйындар уйнап кинәнде. Ҡыш Бабай, Ҡарһылыу , Ҡар бөртөктәре һәм Мәскәй Әбей сараға тик йәм өҫтәп, тағы ла йәнләндереп ебәрҙе. Байрам һуңынан балаларға ҡала хакимиәте тарафынан әҙерләнгән күстәнәстәр таратылды. Йөҙҙәренән нур балҡыған , шат күңелле балалар исеменән барыһына ла ҙур рәхмәт!
  
|
