Эй, бала саҡ, бала саҡ,
Бер ҡайғыһыҙ, ғәмһеҙ саҡ.
Атай янда, әсәй янда,
Уйһыҙ һәм бәхетле саҡ.
Эй бала саҡ, бала саҡ,
Иркәле саҡ, наҙлы саҡ.
Шатлыҡтарҙан һауаларҙа
Ҡанатһыҙ ҙа осҡан саҡ.
“Аҡбуҙат” балалар баҡсаһында кескәй дуҫтарыбыҙҙы байрам менән ҡотлап төрлө саралар үткәрелде.Балалар баҡсаһының үҙәк майҙансығында педагогтар (Ҡунаҡбаева Г.Р.,Әлибаева Ә.Р.,Иҙрисова Р.Х.) тәрбиәләнеүселәр менән берлектә күңел асыу сараһы үткәрҙеләр.Балаларҙы байрам менән ҡотларға тип Клепа менән Кнопа төрлө ҡыҙыҡлы уйындар, дәртле бейеүҙәр алып килделәр. Ә инде Клепа күрһәткән фокустарҙан кескәйҙәр ситтә ҡалманылар, байрам аҙағынан төҫлө аҡбурҙар менән асфальтта һүрәттәр төшөрҙөләр,һабын ҡыуыҡтары менән уйнанылар.
Байрам менән һеҙҙе балалар! Илебеҙ тыныс булһын!
. . |