МДОБУ ЦРР - детский сад "Акбузат" город Сибай Республика Башкортостан

Ҡоштарға ашхана астыҡ,

Һалдыҡ бойҙай, көнбағыш.

Аслыҡтан интекмәй ҡышын

Килеп ашаһын һәр ҡош.

Ҡоштар – тәбиғәттең айырылғыһыҙ бер өлөшө. Ҡыш көнө беҙҙең яҡта ҡалған ҡоштар өсөн бигерәктә ауыр. Уларҙың күбеһе һыуыҡтан түгел, ә аслыҡтан үлә. Ҡоштарҙы сатлама һыуыҡтан һаҡлау, уларға аҙыҡ табырға ярҙам итеү маҡсаты менән кескәйҙәр төркөмө балалары (тәрбиәсеһе Ташбулатова Ә.Ә.) ата – әсәләре менән берлектә “Ҡоштарҙы ашат!” исемле акция үткәрҙе. Ата – әсәләр ҡоштар өсөн ниндәй генә “ашханалар” эшләп алып килмәне? Балалар менән тағараҡтарҙы уйын майҙансығына алып сығып ағастарға элделәр һәм ҡоштарға аҙыҡтар һалдылар. Балалар кесе йәштән үк тәбиғәтте яратырға, һаҡларға кәрәклеген аңлап үҫәләр.

13 февраль көнө балалар баҡсаһында ата – әсәләр араһында шашка буйынса турнир үткәрелде. Ойоштороусыһы тәрбиәсе Асылбаева Мәүлидә Әхмәт ҡыҙы. Ул бер нисә йыл рәттән балаларға өҫтәлмә белем биреү буйынса “Тылсымлы шаҡмаҡтар” тип исемләнгән түңәрәк эшен етәкләй. Турнирға һәр төркөмдән иң оҫта 20 уйынсы йыйылып көс һынашты. Уйын бик ҡыҙыҡ һәм көсөргәнешле барҙы. Финалға өс уйынсы сыҡты: Вәхитов Вадим Ильфат улы – 3 - сө урын, Афлятунова Айһылыу Әҡсән ҡыҙы – 2 – се урын, Раҡаев Ильнур Әхмәт улы – 1 - се урынды яуланы. Бөтә ҡатнашҡан ата - әсәләргә лә Маҡтау ҡағыҙҙары һәм иҫтәлеккә бүләктәр тапшырылды. Ата- әсәләргә ҙур рәхмәтебеҙҙе белдерәбеҙ, гел шулай балалар баҡсаһында үткәрелгән сараларҙа әүҙем ҡатнашып, ҡайнап йәшәһендәр.