МДОБУ ЦРР - детский сад "Акбузат" город Сибай Республика Башкортостан

Бөгөн "Аҡбуҙат " балалар баҡсаһында ҡала мәғариф бүлеге, спорт комитеты, янғын хәүефһеҙлеге, мәҙәниәт һәм башҡаларҙан торған комиссия ағзалары яңы уҡыу йылына әҙерлекте тикшерҙе. Улар иғтибарына төрлө тематикаға ярашлы биҙәлгән сағыу сәскә түтәлдәре, ҡыҙыҡлы уйын майҙансыҡтары, ата - әсәләр менән тормошҡа ашырылған төрлө проект эштәре һөҙөмтәләре күрһәтелде. Шулай уҡ бинаның милли стилдәге эске биҙәлеше лә ҙур ҡыҙыҡһыныу уятты. Бар ошо күркәмлектең нигеҙендә уңған, берҙәм коллективтың тырыш хеҙмәте ята. Яңы уҡыу йылына бар көсөн һалып әҙерләнгән барлыҡ баҡса хеҙмәткәрҙәренә, ваҡыттарын бүлеп, ысын күңелдән ярҙам иткән ата - әсәләргә ҙур рәхмәт! Йәй буйы һағынып көткән кескәйҙәрҙе беҙ ҡаршы алырға әҙер!