#МоиБезопасныеКаникулы
#АҡбуҙатБалаларБаҡсаһы
Ура...
Йәй. Каникул.
Эйе, һәр беребеҙ йәйге каникулды түҙемһеҙләнеп көтөп ала. Йылы көндәрҙә туйғансы һыу инеп, ҡыҙынып, сәйәхәт итеп ҡалырға тырышабыҙ, олатай-өләсәйҙәргә ҡунаҡҡа барабыҙ, еләк-емешен дә йыябыҙ, баҡсала ла ярҙамлашабыҙ. Шулай ҙа, каникул осоронда балаларҙың хәүефһеҙлеге мәсьәләһе айырыуса көнүҙәк мәсьәлә булып ҡала.
Беҙҙең балалар баҡсаһының "Бәпембә" төркөмөндә лә "Хәүефһеҙлек каникул аҙналығы" үткәрелде. Балалар янғын хәүефһеҙлеге, урамда үҙеңде тотоу ҡағиҙәләре, һыу ингәндә һаҡ булырға кәрәклеге тураһында тағы ла белемдәрен камиллаштырып үттеләр. Ата-әсәләр менән әңгәмә ойошторолдо һәм "Йәйге осорҙа хәүефһеҙлек ҡағиҙәләре" памятка эшләп ҡуйылды.
Дуҫтар, йәйге каникулдарығыҙҙы күңелле, файҙалы, иҫтәлекле үткәрегеҙ, хәүефһеҙлек ҡағиҙәләрен дә онотмағыҙ.
|
