"Иғтибар, балалар!" профилактик айлығы нигеҙендә "Аҡбуҙат" балалар баҡсаһы тәрбиәләнеүселәре менән "Хәүефһеҙлек биләмәһендә" исемле сара булып үтте. Сараға ЮХХДИ инспекторы өлкән лейтенант Үзбәков Мирзат Иршат улы саҡырылды. Ул "Юл ҡағиҙәләрен беләһеңме?" тигән темаға фәһемле әңгәмә үткәрҙе. Балаларға балалар креслоһының мөһим икәнлеген, юл хәрәкәте ҡағиҙәләрен тулыһынса үтәү кәрәклеген, ҡағиҙәләрҙе машина йөрөтөүселәр генә түгел, ә юл йөрөүселәр ҙә теүәл үтәргә тейешлеге тураһында аңлатма биреп үтте.
Артабан балалар төрлө уйындар аша белемдәрен нығыттылар. Балалар юл ҡағиҙәләрен теүәл үтәрҙәр тигән ышаныста ҡалабыҙ. Йәйге ял көндәре хәүефһеҙ үтһен.
|
