МДОБУ ЦРР - детский сад "Акбузат" город Сибай Республика Башкортостан

Бөгөн -халыҡ -ара уҡытыусылар көнө билдәләнә.Ошо мәртәбәле байрам көнөндә тантаналы рәүештә йәш быуынды тәрбиәләүгә тос өлөш индереүсе, мәғариф системаһында оҙаҡ йылдар маҡтаулы хеҙмәт итеүселәрҙе тәбрикләнеләр.Улар араһында коллегабыҙ -Әлфиә Әдиф ҡыҙы Ташбулатованың да булыуы бик ҡыуаныслы! Лайыҡлы рәүештә уға Башҡортостан Республикаһының Мәғариф һәм фән министрлығының почет грамотаһы тапшырылды! Үҙ эшен яратып башҡарған, уңған һәм тырыш коллегабыҙға киләсәктә лә уңыштар, ғаилә именлеге теләйбеҙ!

#Хәүефһеҙлеккөнө
#"Аҡбуҙат" балалар баҡсаһы
Балаларҙың хәүефһеҙлеген һәм сәләмәтлеген һаҡлау - балалар баҡсаһында мөһим мәсьәләләрҙең береһе булып тора. Өҫтәүенә, уларҙы хәүефтәрҙән һаҡлауҙан тыш, балаларға хәүефле хәл- шарттар тураһында дөрөҫ күҙаллауҙарын булдырыу, үҙен дөрөҫ тота белергә өйрәтеү мөһим. Ошоларҙан сығып 4 октябрь көнө "Аҡбуҙат" балалар баҡсаһының "Космонавтар" төркөмөндә хәүефһеҙлек көнө үтте.
Был көндә төрлө эшмәкәрлектәр ойошторолдо. Тәрбиәләнеүселәр төрлө уйындар аша уттан һаҡланыу серҙәрен, юлда һаҡланыу һәм ауырығанда үҙеңде тотоу ҡағиҙәләрен ҡабатланылар. Был көн балалар өсөн фәһемле һәм күңелле үтте.