1 декабрь көндө балалар баҡсаһында тәрбиәселәр өсөн
"Бармаҡтар уйнай - телмәр үҫешә" исемле семинар-практикум үтте. Унда уҡытыусы-логопедтар (Аминева Р.И., Йылҡыбаева Г.Р., Уразбаева А.Ф.)һәм педагог - психолог (Аметова Р.М.) тәрбиәселәргә кинезиологик күгегеүҙәр һәм уйындар тәҡдим иттеләр. Тап кинезиологик күнегеүҙәр аша баланың аҡыл ҡеүәһен һәм физик һаулығын үҫтерергә була. Ғалимдар иҫбатлауынса, кинезиология - хәрәкәт аша баш мейеһенең үҫеше тураһындағы фән. Был күнегеүҙәрҙе системалы үткәргәндә бала зирәк, әүҙем булып үҫә, бармаҡтарының хәрәкәтсәнлеге һәм телмәре үҫешә, бала үҙен контролдә тоторға өйрәнә. Семинар-практикум барышында тәрбиәселәр кинезиологик күнегеүҙәрҙең төрлө төрҙәрен иҫкә төшөрҙөләр, яңыларын өйрәнделәр.
Әгәр ҙә беҙ балаларыбыҙ һау-сәләмәт булып үҫһен тиһәк, уларҙың хәрәкәт һәм физик йөкләмәләргә ихтыяждарына иғтибар итергә тейешбеҙ. Ә инде кинезиологик күнегеүҙәр балаларҙа һау-сәләмәт тормошҡа ҡыҙыҡһыныу уятырға ярҙам итәсәк, төрлө яҡлап үҫешенә булышлыҡ итәсәк.
|