Бала үҫтереү үҙәге- "Акбуҙат" балалар баҡсаһында мөмкинлектәре сикләнгән балалар өсөн Яңы йыл иртәлеге ойошторолдо. Байрамға килгән ата-әсәләрҙе һәм тәрбиәләнеүселәрҙе балалар баҡсаһы мөдире Р.Ғ.Иҙрисова етеп килгән яңы йыл менән ҡотланы. Был байрамда телмәр төҙәтеү төркөмөндә йөрөгән тәрбиәләнеүселәр өсөн балалар баҡсаһы белгестәре уҡытыусы-логопедтар Йылҡбаева Г. Р., Аминева Р. И., Ураҙбаева А. Ф., музыка етәкселәре Ҡунаҡбаева Г. Р., Ғөбәйҙуллина Р.Ә., педагог-психолог Аметова Р. М., тәрбиәселәр Ҡолмөхәмәтова Р. И., Ниғәмәтова А. И., Асылбаева М. Ә., Юнысбаева Г. Ғ., Ташбулатова Ә.Ә, Хәсәнова Ә.Ш., Кунсбаева Л.Х байрамды ҡыҙыҡлы мажаралар, күңелле уйындар менән үткәрҙеләр. Балалар Ҡыш бабайға үҙҙәренең һөнәрҙәрен, зирәклектәрен, етеҙлектәрен күрһәттеләр. Тәрбиәләнеүселәр Ҡыш бабай һәм Ҡарһылыу менән шыршы тирәләй күңелле йырҙар йырлап бейеп тә алдылар. Йыл символы Ҡуян килеп, байрамға йәм өҫтәне, күтәренке кәйеф булдырҙы. Байрамдың аҙағында Ҡыш бабай һәр балаға матур яңы йыл бүләктәрен таратты. Балалар ҡыуанышып Ҡыш бабайға рәхмәт әйттеләр.
|