МДОБУ ЦРР - детский сад "Акбузат" город Сибай Республика Башкортостан

#МортазаРәхимов
#ИлАғаһы
#Күгәрсентөркөмө

Мортаза Ғөбәйҙулла улы республика менән ҡатмарлы йылдарҙа — Рәсәйҙең яңы тарихының һынылыш осоронда идара итә башлай. Ил ағаһы бихисап социаль һәм иҡтисади ауырлыҡтарға бирешмәй, Башҡортостандың көс-ҡеүәтен һаҡлап ҡала һәм гөрләп торған үҫеш юлына баҫтыра. Һуңғы көндәренә тиклем Мортаза Ғөбәйҙулла улы хеҙмәтен халҡына һәм тыуған республикаһына бағышлай.
Тыуған ерен яратмаған кеше был тиклем изгелек ҡыла алмаҫ ине
Башҡортостандың Президенты Мортаза Рәхимов тураһында хәтирә халыҡ күңелендә мәңге йәшәйәсәк. Бөгөн уға 90 йәш тулған булыр ине. Алла ихтирамын яулар затты, Һис онотмаҫ башҡорт балалары!

7 февраль - республикабыҙ халҡы өсөн бик әһәмиәтле көн. Башҡортостандың беренсе Президенты Мортаза Ғөбәйҙулла улы Рәхимовтың тыуыуына 90 йыл тулды. Бөгөн ул арабыҙҙа юҡ, оло үкенескә күрә... Әммә уның хаҡында йылы, яҡшы хәтирәләр йәшәй. Уның тормош юлы, республика өсөн эшләгән файҙалы эштәре тураһында беҙҙең балалар баҡсаһында ла дәрестәр, әңгәмәләр үткәрелде. "Ҡыңғырау" өлкәндәр төркөмөндә балалар Мортаза Ғөбәйҙулла улы хаҡында документаль фильм, презентациялар ҡаранылар, әңгәмәләшеп алдылар. Беренсе президентыбыҙ башҡорт халҡының хәтерендә мәңге йәшәр тип ышанабыҙ!