#Сибайтарихтыуғаняҡтыөйрәнеүмузейы
#Аҡбуҙатбалаларбаҡсаһы
Музей – үткән менән бөгөнгөнө бәйләгән, киләсәккә юл һалған, тарихи ҡомартҡыларҙы һаҡлаған изге урын, рухи аҙыҡ биргән мәҙәни усаҡ ул. Унда тупланған экспонаттар, материалдар үткәндәрҙең иҫтәлеген һаҡлай. Музейҙың тәғәйенләнеше лә тап тарихты һәм халыҡтың йөҙөн, йәшәйешен сағылдырған ҡомартҡыларҙы йыйыу, һаҡлау һәм мираҫ итеп киләһе быуындарға тапшырыу, еткереү маҡсатында "Аҡбуҙат" балалар баҡсаһының уртансылар төркөмө тәрбиәләнеүселәре (тәрбиәселәр: Хәсәнова Ә. Ш., Сабитова Э. М.) менән ҡалабыҙҙың тарих һәм тыуған яҡты өйрәнеү музейына экскурсияға барҙыҡ. Музей балаларға бик оҡшаны, яңы тәьҫораттар алып ҡайттыҡ. Беҙҙе йылы ҡаршы алған музей хеҙмәткәрҙәренә ҙур рәхмәтебеҙҙе еткерәбеҙ. Эштәрендә уңыштар теләйбеҙ. Рәхмәт.
  
|
