#Библионочь #Модельнаядетскаябиблиотека #Библиотөн #Моделлебалаларкитапханаһы #Аҡбуҙатбалаларбаҡсаһы #Күгәрсентөркөмө 19 апрель көнө Сибай ҡалаһының моделле балалар китапханаһы "Библиотөн" форматында ҡала кимәлендә ойошторолған ижади "Беҙҙең Пушкин мәңгелек" конкурсына йомғаҡ яһаны. Был конкурстан "Аҡбуҙат" балалар баҡсаһының телмәр төҙәтеү төркөмө тәрбиәләнеүселәре лә (тәрбиәселәре Ташбулатова Ә. Ә., Ҡолмөхәмәтова Р. И.) ситтә ҡалманы, бөтәһе 10 бала Пушкиндың әҫәрҙәренә эшләгән үҙҙәренең һүрәттәрен тәҡдим иттеләр. Конкурс һөҙөмтәһе булып Кутушев Ансар 3 - сө урын яулап диплом һәм иҫтәлекле бүләк менән, ә башҡа балалар ҡатнашыусы дипломы менән бүләкләнделәр. Музыка мәктәбенән килгән балалар йырлап, музыка ҡоралдарында сығыш яһап сараны тағы ла йәнләндерҙеләр. Балалар һәм ата - әсәләр өсөн "Библиотөн" сараһын ойоштороусы китапхана хеҙмәткәрҙәренә ҙур рәхмәтебеҙҙе белдерәбеҙ. Ҡунаҡтарға сара бик ҡыҙыҡлы һәм фәһемле булды. Хеҙмәткәрҙәргә эштәрендә уңыштар теләһәк, балаларға инде ижади үрҙәр теләйбеҙ. Ташбулатова Әлфиә
|