#Ҡурсаҡтерапияһы
#Проектэше
#Йомғаҡлаусараһы
#Ҡурсаҡуйнайбыҙ
#Әкиәттәряратам
#Аҡбуҙатбалаларбаҡсаһы
#Күгәрсентөркөмө
24 апрель көнө "Күгәрсен" телмәр төҙәтеү төркөмө (тәрб. Ҡолмөхәмәтова Р. И., Ташбулатова Ә. Ә.) балалары һәм ата - әсәләре менән берлектә проект эшен йомғаҡлау сараһына йыйылды. Проекттың темаһы Ғаилә йылына ярашлы һайланды һәм "Мәктәпкәсә йәштәге балаларҙы социалләштереүҙә ҡурсаҡ терапияһын ҡулланыу" исем менән аталып, уҡыу йылы барышында төрлө эштәр башҡарылды. Бының өсөн һәр ата- әсә ҡулдан эшләнгән ҡурсаҡтар, уйынсыҡтар алып килделәр. Балаларҙың улар менән ихлас уйнанылар, уйын барышында төрлө кисерештәре артты, уйынсыҡ образдар аша балала театрлаштырылған уйындар уйнау теләге арта ғына барҙы. Ҡурсаҡтар йәнләнә, терелә генә бара һәм өндәр, мимика, телмәр менән оҙатылып барып, сәхнәләштерә башлай, һәр бер персонаждың образын нисек күҙ алдына килтерә, шулай уны уйнаттылар. Шулай итеп, алған маҡсат-бурыстарыбыҙға ирешеп, йомғаҡлау сараһына Әсәйҙәр тарафынан сәхнәләштерелгән "Тирмәкәй" әкиәте беҙҙең күңелдәргә хуш килде. Балалар өсөн был бик шатлыҡлы күренеш булды, ә әсәйҙәр инде, үҙҙәрен ысын әртистәр кеүек хис итеп, әкиәтте бик оҫта башҡарҙылар. Тәрбиәләнеүселәребеҙ ҙә яуапһыҙ ҡалманы, йырҙар йырлап, бейеүҙәр бейеп, һәм дә инструменталь ансамбль менән сығыш яһап, бик матур концерт күрһәттеләр. (Муз. етәксеһе Ҡунаҡбаева Г. Р.)
   
|
