Балалар баҡсаһына йөрөмәгән мәктәпкәсә йәштәге, шулай уҡ физик мөмкинлектәре сикләнгән балалары булған ата-әсәләргә (законлы вәкилдәргә) методик, психологик-педогогик ярҙам итеү маҡсатында балалар баҡсаһында икенсе йыл рәттән “Тамсыҡай” тип исемләнгән консультатив үҙәк эшләп килә. Әлбиттә, мөрәжәғәт итеүселәр менән балалар баҡсаһында эшләүсе педагогтар педагог-психолог, уҡытыусы-логопедтар, физик тәрбиә биреү инструкторы, музыка етәкселәре ата-әсәләрҙең һорауы буйынса эшләй. Ошо йәһәттән 01 февраль көнө ҡаланың балалар баҡсаһы ойошмалары араһында консультатив үҙәктәр буйынса конкурс уҙғарылды. Һәм беҙҙең балалар баҡсаһы лайыҡлы 3 урынды яуланы!!! Афарин педагогтар! Конкурсты әҙерләгән педагог-психолог Аметова Р.М., уҡытыусы-логопед Уразбаева А.Ф., тәрбиәсе Хәсәнова Ә.Ш. алдағы эштәрендә ҙур уңышлыҡтар теләп ҡалабыҙ!