“Аҡбуҙат” балалар баҡсаһында 18 февралдән 22 февралгә тиклем балаларға патриотик тәрбиә биреү аҙналығы уҙғарылды. Һәр төркөмдә тематик ойоштороу эшмәкәрлектәре үткәрелде, атайҙар ҡулынан эшләнгән күргәҙмә ойошторолдо, атай, олатай, ағайҙары менән берлектә бик матур музыкаль – спорт байрамдары үтте.
Әлбиттә был сараларға балалар алдан әҙерләнделәр. Темаға ярашлы хәрби-патриотик йырҙар, шиғырҙар өйрәнделәр, һүрәт төшөрҙөләр, үҙ ҡулдары менән атай-олатайҙарына бүләк әҙерләнеләр.Балалар тарафынан әҙерләнгән концерт номерҙары спорт ярыштары, хәрби уйындар, хәрби темаға арналған викторина менән һуғарылып барҙы һәм барлыҡ килгән ҡунаҡтарҙың да күңеленә хуш килде.
Байрамға атайҙарҙың күпләп килеүҙәре, балалары менән берлектә ярыштарҙа ҡатнашыуҙары кескәйҙәрҙе тағы ла ҡыуандырып, дәртләндереп ебәрҙе. Ысынлап та, малайҙар атай-олатайҙары кеүек физик яҡтан көслө, етеҙ, киләсәктә ҡыйыу һалдат булырға ынтыла, өлгө ала, ә ҡыҙҙар атайҙары менән ғорурлана.