Талантлы тәрбиәсе
12 декабрь көнө “Аҡбуҙат” балалар баҡсаһында талантлы тәрбиәсе Зөбәйерова Йәнбикә Ғиниәт ҡыҙы ҡала кимәлендә үҙенең эш тәжрибәһе менән уртаҡлашты. Сараға башҡорт төркөмдәренән тәрбиәселәр йыйылды. Сара Айһылыу Йәғәфәрова әкиәте буйынса әҙерләгән "Бал ҡорто- Нәҙекәйбил" музыкаль пьессаһы менән башланды. Йәнбикә Ғиниәт ҡыҙы “Театр уйындары аша балаларҙың телмәрен үҫтереү” темаһын бөтә яҡлап ентекле өйрәнеп, бөтә нескәлектәрен дә тәрбиәселәргә еткерә алды. Педагог театр уйынсыҡтарынан күргәҙмә лә тәҡдим итте. Килгән ҡунаҡтар менән театр уйындары ла ойошторҙо. Ҡала мәғариф бүлеге методисты Лилиә Шәһибал ҡыҙы тәрбиәселәргә үҙенең теләктәрен еткерҙе. Барлыҡ ҡунаҡтар бик яҡшы кәйеф һәм белем багаждарын байытып таралышты. "Аҡбуҙат" балалар баҡсаһында был сара театр йылын йомғаҡлау сараһы ла булып тора ине.
