Тәбиғәт кешегә сикһеҙ мөмкинселектәр биргән. Шуға ла һәр бер бала тыумыштан нимәгә булһа ла һәләтле. Тик был һәләттәрҙе ваҡытында күреп, уны үҫтерә белеү зарур. Был үтә лә яуаплы эш ата-әсәнең һәм уҡытыусыларҙың ҡулында. Балаларҙың һәләтен асыу ҡатмарлы һәм оҙайлы процесс. Быны бер көндә, хатта бер аҙнала ла эшләү мөмкин түгел. Уны уҡыу процесындала, дәрестән тыш ваҡыттарҙа ла күҙәтергә мөмкин. Был процесты баһалау өсөн оҙайлы рәүештә эш алып барыу мөһим. Ошо маҡсат аҫтында "Аҡбуҙат" балалар баҡсаһында төрлө йүнәлештәр буйынса эштәр алып барыла. Уларҙың береһе булып музыка эшмәкәрлеге тора. Кескәйҙәр йырлау, бейеү, музыка ҡоралдарында уйнау һәләттәрен асалар, төрлө бәйгеләргә, иртәлектәргә әҙерләнәләр.
. . |