МДОБУ ЦРР - детский сад "Акбузат" город Сибай Республика Башкортостан

#ГТОнормажизни
#Аҡбуҙатбалаларбаҡсаһы
ГТО комплексы беҙҙең тормошобоҙға тулыһынса ингән. Гто нормаларын йәштәр ҙә, өлкән быуын да әүҙем тапшыра. Акбузат
балалар баҡсаһының иң әүҙем һәм спорт һөйөүселәре ГТО нормативтарын тапшырыу кеүек ҙур спорт ваҡиғаһынан ситтә ҡала алманы. Нормативтар уңышлы тапшырылды. Сараның төп маҡсаты – физкультураны һәм спортты пропагандалау һәм популярлаштырыу, СӘЛӘМӘТ ЙӘШӘҮ рәүешенә ҡушылыу. Бөтәһе 15 педагог ҡатнашты. Ҡатнашыусылар ҡыҫҡа араға йүгереүҙе, урындан оҙонлоҡҡа һикереүҙе, һығылмалылыҡҡа күнегеүҙәрҙе, прессҡа күнегеүҙәрҙе тапшырҙы. Барыһы ла йәш категорияһын иҫәпкә алып нормативтарҙы уңышлы үтәп, үткәрелгән һынауҙарҙан тәьҫораттар алды. Барығыҙҙы ла уңышлы тапшырыуҙары менән ҡотлайым!

#преемственность
#Аҡбуҙатбалаларбаҡсаһы
#Башҡортостанкөнө
Башҡортостан- азат республикам,
Ниндәй иркен һәм бай еребеҙ!
Беҙ атларға тейеш ошо ерҙән
Хужа булып уға үҙебеҙ.
Башҡорттар өсөн ошо ил –
Тиңһеҙ бер Бәхетостан.
Алтын көҙҙөң йәмле мәлендә оло байрамдарҙың береһе – Башҡортостандың суверенитет алған көнөн билдәләйбеҙ.Ошо байрам айҡанлы “Аҡбуҙат” балалар баҡсаһының мәктәпкә әҙерлек төркөмө тәрбиәләнеүселәре ҡалабыҙҙың 8-се урта мәктәбенең 1-се синыф уҡыусылары менән берлектә “Берҙәмлектә – беҙҙең көс!” тип исемләнгән спорт байрамы үткәрҙеләр.Башҡорт халҡының мәҙәниәтен, рухи донъяһын, тәбиғәт матурлығын төрлө ярыш-уйындарҙа асып һалдылар.Байрамды әҙерләп алып барыусы физик тәрбиә биреү буйынса инструктор Әлибаева Ә.Р., музыка етәксеһе Ҡунаҡбаева Г.Р. балаларҙы ысын башҡорт рухында тәрбиәләүҙәренә тағы ла берҙе инандылар.
Байрам менән һеҙҙе! Ер йөҙөндә башҡорттоң бөйөк рухы,көс – ҡеүәте, нәҫел – ырыуы мәңге йәшәһен! Илебеҙ тыныс булһын!