МДОБУ ЦРР - детский сад "Акбузат" город Сибай Республика Башкортостан

Балалар баҡсаһында  Һаулыҡ аҙналығы сиктәрендә 19-20 март ял көндәре  "Интернетһыҙ ял көндәре" исемле акция ойошторолдо. Акция балалар менән мөмкин тиклем төрлө уйындар уйнау, аралашыу, һүрәт төшөрөү, спорт төрҙәре менән шөғөлләнеү, саф һауала йөрөү һ.б. маҡсатында үткәрелде. Был акцияла ата-әсәләр (законлы вәкилдәр) балалар менән бик әүҙем ҡатнаштылар һәм үҙҙәренең күңелле ял ваҡыттарын  фотоларҙа сағылдырҙылар. 
Балаларға шундай күңелле һәм файҙалы ял көндәре ойоштороусы ата-әсәләргә ҙур рәхмәттебеҙҙе еткерәбеҙ!

#ҺаулыҡАҙналығы
#АҡбуҙатБалаларБаҡсаһы
 Балалар баҡсаһында балаларҙы сәләмәт йәшәү рәүеше алып барырға өгөтләү, спорттың кеше организмына ыңғай йоғонтоһо тураһында төшөнсә биреү, физик күнегеүҙәр, уйындар, ярыштар аша етеҙлек, сослоҡ, берҙәмлек сифаттары тәрбиәләү маҡсаты менән һаулыҡ аҙнаһы айҡанлы "Таҙалыҡ -һаулыҡ", "Һаулыҡ өсөн нимәләр зарарлы " спорт байрамдары  үткәрелде. Был байрам  балалар өсөн дә, тәрбиәселәр өсөн дә бик күңелле һәм фәһемле  булды.

"Аҡ сәскә" төркөмө тәрбиәләнеүселәре телмәр төҙәтеү дәрестәрендә лексик һәм грамматик тел сараларын уйындар аша практик үҙләштерәләр. Тартынҡы һәм һуҙынҡы өндәрҙе ишетеп айырырға өйрәнәләр, өндөң урынын билдәләргә күнегеүҙәр эшләйҙәр. Бик күп уйын-күнегеүҙәр аша уҡытыусы - логопед балаларҙың дөрөҫ телмәр һулышын үҫтереү өҫтөндә эшләй. Балаларҙың иғтибарын, логик фекерләүен үҫтереү өсөн ҡыҙыҡлы дидактик уйындар киң ҡулланыла. Ваҡ моторика ны үҫтереү өсөн балалар су-джок шарҙарын, балдаҡтарын ҡулланып үҙаллы массаж эшләргә өйрәнәләр.
Уҡытыусы - логопед Йылҡбаева Гөлдәр Рәхимйән ҡыҙы.