#һаулыҡаҙналығы
#Аҡбуҙатбалаларбаҡсаһы
Балалар баҡсаһында "Һаулыҡ аҙналығы" уҙҙы. "Ҡыңғырау" төркөмө тәрбиәләнеүселәре лә (тәрбиәсе Ташбулатова Ә. Ә.) ситтә ҡалманы.
Балаларҙа һау - сәләмәт йәшәү рәүеше ҡағиҙәләрен нығытыу, гигиена ҡағиҙәләрен үтәү кеше һаулығына йоғонтоһо ҙур булыуын кесе йәштән үк аңлатыу маҡсатында төрлө эшмәкәрлектәр ойошторолдо.
Балаларға һаулыҡ тураһында әңгәмәләр үткәрелде "Файҙалы аҙыҡ - түлек", "Таҙалыҡ - һаулыҡ билдәһе" һ.б., һүрәтләү эшмәкәрлеге "Беҙ спортты яратабыҙ", "Файҙалы йәшелсәләр һәм емеш - еләктәр", сюжетлы - ролле уйындар "Дауахана", "Аҙыҡ - түлек магазины", дидактик уйындар "Һөнәрҙәр", "Гигиена ҡағиҙәләре". Кескәйҙәр А.Йәғәфәрованың "Дарыу", Ф.Фәтҡуллинаның "Йәшел ҡуян" исемле нәфис әҙәбиәте менән танышты.
Аҙналыҡты йомғаҡлап "Һаулығым - байлығым!" исемле күңел асыу сараһы үткәрелде. Байрам ваҡытында, балалар алған белемдәрен нығытты.
Шулай уҡ аҙналыҡҡа арналған "Интернетһыҙ ял көндәре" тип исемләнгән акцияла атай, әсәйҙәре менән әүҙем ҡатнаштылар. Ял көндәренең фото һүрәттәренән "Спорт менән дуҫбыҙ!" исемле фото күргәҙмә эшләнде.
Аҙналыҡ балаларға бик файҙалы һәм фәһемле булды.
