"Балдан татлы - баласаҡ"- тип юҡҡа ғына әйтмәгәндәрҙер.Ысынлап та, баласаҡ хәтирәләре мәңге иҫтә ҡаласаҡ.
Балаларҙы яҡлау көнө айҡанлы "Аҡбуҙат" балалар баҡсаһының төп майҙансығы кескәйҙәрҙе байрамға йыйҙы. Музыка етәксеһе (Ҡунаҡбаева Г.Р.) тарафынан әҙерләнгән күңел асыу сараһы бик күңелле алып барылды.Тәрбиәләнеүселәрҙең кәйефен күтәреп, уларҙы байрам менән ҡотларға тип клоундар(Рәмиева Г.С., Хасанова Ә.Ш.) ҡунаҡҡа килделәр.Улар үҙҙәренең дәртле бейеүҙәре, ҡыҙыҡлы уйындары һәм фокустары менән байрамға йәм өҫтәнеләр.
"Аҡбуҙат" балалар баҡсаһы коллективы барлыҡ балаларҙы ла байрам менән ихлас күңелдән ҡотлай.Уларға бәхетле баласаҡ теләп ҡала.
   
|
