#Фондкультурныхинициатив
#фестивальнациональнойкультуры
#Фестивалькружевадружбы
#Фестивалькружевадружбы
#детскийсадАкбузат
Билдәле булыуынса, 2022 йылдың 4 апреленән 1 июнгә тиклем балалар баҡсалары араһында «Фестиваль национальной культуры- возрождение традиций «Кружева дружбы» исемле конкурс-фестивале уҙғарылды. Конкурстың положениеһына ярашлы, беҙҙең балалар баҡсаһы ике ай дауамында осетин халҡының мәҙәниәтен, ғөрөф -ғәҙәттәрен, йолаларын, тарихын, халыҡ ижадын, биҙәү- ҡулланма сәнғәтен өйрәнде. Әйтергә кәрәк, был фестиваль балаларҙа һәм ата-әсәләрҙә лә ҙур ҡыҙыҡһыныу уятты. Осетин халҡының «Чепена» уйыны, «Бадола» йыры , «Кеше һәм терпе» әкиәте , «Саҡырыу» милли бейеүе, мәҡәл- әйтемдәре, биҙәү-ҡулланма сәнғәте һәм көнкүреше әйберҙәренән торған бай йөкмәткеле мини -музей тураһында видеояҙмалар әҙерләнде.
Осетин халҡының«Чепена» ( етәкселәре Сабитова Э.М., Йыһангирова Г.М., Ташбулатова Ә.Ә., Хәсәнова Ә.Ш.) уйыны бик киң таралған уйындарҙың береһе. Әткәндәй, беҙҙең балаларға ла был уйын бик оҡшаны. Һөҙөмтәлә, жюри ағзалары беҙҙең был уйынға лайыҡлы рәүештә 3 урын бирҙе.
«Халҡымдың мәҡәл-әйтемдәре» ( етәкселәре Әлибаева Ә.Р., Кунсбаева Л.Х., Әхмәрова Ә.Ә.) исемле виртуаль флешмобта балалар, педагогтар һәм ата-әсәләр генә ҡатнашып ҡалманы, хатта сит ерҙәрҙән - ҡояшлы Төркиә иленән, Мәскәү ҡалаһынан да ҡатнашыусылар теләк белдерҙе. Һөҙөмтәлә, дуҫлыҡ, хеҙмәт, тыуған ил тураһындағы мәҡәлдәр һәм әйтемдәр икенсе урынды яуланы.
Осетин халҡының «Саҡырыу» ( етәксеһе Ғөбәйҙуллина Р.Ә.) исемле милли бейеүе бөтәһенең дә күңеленә хуш килде, сөнки мәктәпкә әҙерлек төркөмө ҡыҙҙары был бейеүҙе хас осетинса һығылмалы һәм оҫта башҡарҙы. Һөҙөмтәлә, лайыҡлы рәүештә 1 урын яуланы !
Ҙур тырышлыҡ һәм ныҡышмалыҡ талап ителгән конкурста әүҙем һәм ихлас ҡатнашҡандары өсөн барлыҡ балаларға, педагогтарға, ата-әсәләргә, шулай уҡ осетин халҡының милли кейемдәрен тегеүсе педагог Солтанова Ф.Ә. , видеояҙма әҙерләүсе педагогтар Кулембетова Ф.Ш., Аметова Р.М. һәм айырыуса, балалар ижады үҙәге педагогы Иҙрисова Гөлнара Юлай ҡыҙына оло рәхмәтебеҙҙе белдерәбеҙ. Еңеүҙәр менән ихлас ҡотлайбыҙ! Эшегеҙҙә уңыштар, яңы бейеклектәр һәм иҫәнлек-һаулыҡ теләйбеҙ!
