“Аҡбуҙат” балалар баҡсаһында “Әкиәттә ҡунаҡта” исеме аҫтында хәтәр шәп, мауыҡтырғыс, күңелле һәм фәһемле аҙна үтеп китте.Тәрбиәләнеүселәр төрлө әкиәттәр менән танышып ҡына ҡалманылар, улар инде әкиәт геройҙары менән таныштылар, ҡыҙыҡлы уйындар уйнанылар,йәнһүрәттәр ҡаранылар.Балалар өсөн Сибай педагогия колледжының мәктәпкәсә белем биреү бүлегенең 3-сө курс талиптары сәхнәләштергән “Тирмәкәй” әкиәте иң күңеллеһе булды. Байрам һуңынан балалар талиптар һәм педагогтар менән берлектә төрлө күңелле бейеүҙәр бейенеләр, дәртле уйындар уйнанылар.