#Аҡбуҙатбалаларбаҡсаһы #мәктәпменәнкүсәгилешлелек
"Аҡбуҙат" балалар баҡсаһы бер нисә йыл рәттән 8-се һанлы мәктәп менән ныҡлы бәйләнеш булдырылған. Бөгөндә мәктәпкә әҙерлек төркөмө балаларын мәктәп менән таныштырыу маҡсатында экскурсия ойошторолдо. Экскурсия барышында Таһирова Гөлсинә Баҡый ҡыҙы балаларҙы мәктәп тормошо менән таныштырҙы. Беренсе синыф уҡыусылары, класс бүлмәләре, балаларҙың туҡланған ашханаһы тураһында бик ентекләп һөйләп аңлатты. Ә инде мәктәп китапханаһы үҙенең сағыу китап, журналдары балаларҙы үҙенә йәлеп итте. Гөлсинә Баҡый ҡыҙы үҙенең әңгәмәһендә китапты нисек итеп тотоу ҡағиҙәләренә, һаҡсыл ҡараш, китапҡа ҡарата ҡыҙыҡһыныу тәрбиәләү кеүек сифаттарға балаларҙы әйҙәне. Буласаҡ уҡыусылар өсөн экскурсия бик фәһемле һәм файҙалы үтте.
