Мин бәхетле бала, тиеп
Ергә оран һалабыҙ.
Ғәзиз тыуған илебеҙгә
Мәңге тоғро ҡалабыҙ – ти “Аҡбуҙат” балалар баҡсаһы тәрбиәләнеүселәре.Ошо көндәрҙә балалар баҡсаһында тәрбиәселәр(Аҫылбаева М.Ә.,Юнысбаева Г.Ғ.,Ташбулатова Ә.Ә.,Хасанова Ә.Ш.,Ҡунысбаева Л.Х.,Иҙрисова Р.Х.) һәм музыка етәксеһе(Ҡунаҡбаева Г.Р.) тәрбиәләнеүселәр менән берлектә Башҡортостан көнөнә арналған асыҡ сара үткәрҙеләр.Республика тураһында белемдәрен арттырыу, дәүләт символдары тураһында төшөнсә биреү, тыуған илебеҙгә, еребеҙгә, милләт - ара татыулыҡҡа ҡарата һөйөү тәрбиәләү байрамдың маҡсаты булып торҙо. Кескәйҙәр йыр һәм шиғырҙар аша тыуған илебеҙгә ҡарата булған хис - тойғоларын еткерһәләр, ә инде бына дәртле бейеүҙәр һәм фәһемле уйындар байрамға тик йәм өҫтәне.
Байрам менән дуҫтар! Илебеҙ тыныс ,күгебеҙ аяҙ булһын!
|