МДОБУ ЦРР - детский сад "Акбузат" город Сибай Республика Башкортостан

#Аҡбуҙатбалаларбаҡсаһы #Хәрбипатриотикайлыҡ Балалар баҡсаһында кескәйҙәргә хәрби - патриотик тәрбиә биреү буйынса бик күп эштәр башҡарыла. Ошо йәһәттән тәрбиәсе Сафина Зинира Зиннур ҡыҙы йәш тәбиәселәр өсөн хәрби патриотик айлыҡ планына ярашлы "Хәрби техникалар" тип исемләнгән интеграциялы асыҡ белем биреү эшмәкәрлеге күрһәтте. Ойоштороу эшмәкәрлегендә балалар хәрби техника төрҙәре менән танышып ҡына ҡалманылар, "баҫма" техникаһы менән һүрәт төшөрөп белемдәрен нығыттылар. Дәрес матур һәм бай йөкмәткеле булды.

“Аҡбуҙат" балалар баҡсаһының өлкәндәр төркөмөндә патриотик тәрбиә биреү маҡсатында “Миңлеғәле Шайморатов - илебеҙҙең даны” исеме аҫтында проект эше ойошторолдо. Проект барышында тәрбиәселәр балалар, ата- әсәләр менән берлектә бик күп материалдар тупланы. Проект барышында папкалар, фотоальбомдар төҙөлдө. Шулай уҡ балалар һүрәттәренән күргәҙмә ойошторолдо. Проект эшен йомғаҡлап, ата-әсәләр менән берлектә күңел асыу сараһы үткәрелде.  Балалар сарала йырлап – бейеп, уйындар уйнап ҡына ҡалманылар, тылсымлы экрандан һүрәттәр ҡаранылар. Балалар проектты өйрәнеү осоронда тыуған илде, тыуған ерҙе һөйөргә, тыуған телебеҙҙе, батырҙарыбыҙҙы ихтирам итергә лә өйрәнде.

#ХәрбиПатриотикАйлығы
#АҡбуҙатБалаларБаҡсаһы
Хәрби патриотик айлығы планына ярашлы кескәйҙәр төркөмө тәрбиәсеһе Ҡоломбәтова Фидәлиә Шәһит ҡыҙы, балалар баҡсаһында эшләүсе йәш тәрбиәселәр өсөн "Ил һаҡсылары" исемле белем биреү эшмәкәрлеге күрһәтте. Эшмәкәрлек барышында балалар хәрби транспорт төрҙәре, хәрби һөнәрҙәр менән таныштылар, дидактик уйындар аша алған белемдәрен нығыттылар. Дәрес балаларға ла һәм йәш тәрбиәселәр өсөн дә бик ҡыҙыҡлы һәм фәһемле үтте.