#Сибайүҙәкҡалакитапханаһы
#Центральнаядетскаябиблиотека
26 апрель көнө "Аҡбуҙат" балалар баҡсаһының уртансылар төркөмө тәрбиәләнеүселәре (тәрбиәселәр: Хәсәнова Ә. Ш., Сабитова Э. М.) китаптарға һаҡсыл ҡараш һәм ихтирамлы мөнәсәбәт тәрбиәләү маҡсатында үҙәк ҡала китапханаһына экскурсияға барҙыҡ. Китапхана хеҙмәткәрҙәре балаларҙы ихлас ҡаршы алдылар һәм китап донъяһына мауыҡтырғыс сәйәхәт ҡылырға тәҡдим иттеләр. Сәйәхәт ваҡытында балалар китапханалағы тәртип, китап менән эш итеү ҡағиҙәләрен нығыттылар, кәштәләрҙәге китаптар, журналдар һәм энциклопедиялар менән таныштылар, шулай уҡ уҡыу залында сағыу журналдарҙы һәм йәнһүрәтте ҡыҙыҡһынып ҡаранылар. Сәйәхәт ҡыҙыҡлы, күңелле, фәһемле һәм иҫтә ҡалырлыҡ ваҡиға булды.