#ЕңеүКөнө
#ДеньПобеды
#АҡбуҙатБалаларБаҡсаһы
9 май – иң оло һәм изге байрам. Ул бөтә халыҡ ғорурлығы, илһөйәрлек, ҡаһарманлыҡ өлгөһө һәм әсе юғалтыуҙар көнө. Шуға ла беҙҙең өсөн унан да ҡәҙерлерәк дата юҡ. Уртансылар "Ҡыңғырау" төркөмө тәрбиәләнеүселәре менән,
Еңеү көнөнә арналған сара (тәрбиәселәр :Тулыбаева Г.Ғ., Вәлитова Р. З., музыка етәксеһе: Ғөбәйҙуллина Р. А.) еңеү паркында үтте. Ватан һуғышында һәләк булған яугирҙәргә ҡуйылған обелискка, "Мәңгелек ут" мемориаль комплексына сәскәләр һалыу менән тамамланды. Шулай уҡ, георгий таҫмаһы таратыу акцияһына ла ҡушылдыҡ. Беҙ тыныс күк йөҙө аҫтында йәшәйбеҙ, миллионлаған ҡорбандар аша яулап алынған ошо тыныслыҡтың, еңеү хаҡының ҡәҙерен белһәк ине, онотмаһаҡ ине уның асылын.
Донъялар тыныс, күк йөҙө аяҙ булһын!
