МДОБУ ЦРР - детский сад "Акбузат" город Сибай Республика Башкортостан

#Педагогһәмостазйылы
#Йондоҙлоюлфестивале
#Балаларбаҡсаһындаинтерактив
#Аҡбуҙатбалаларбаҡсаһы
14 март көндө «Тирмәкәй» балалар баҡсаһында Педагог һәм остаз йылына арналған "Йондоҙло юл" фестиваленең икенсе көнө уҙҙы. Был көн "Балалар баҡсаһында интерактив" темаһына арналды. Йәш педагог Ҡоломбәтова Фидәлиә Шәһит ҡыҙы менән " Печа- куча" формаһында "Белем биреү процесында үҫтереүсе интерактив уйындар" темаһына оҫталыҡ класы ойошторҙоҡ. Йәш педагогтарға башҡорт телендә үҙебеҙ эшләгән үҫтереүсе интерактив уйындарыбыҙҙы тәҡдим иттек. Мин өлкән төркөм балалары өсөн башҡорт халҡының кәсептәренә, һөнәрҙәренә арналған һәм телмәр үҫтереү буйынса уйындарымды тәҡдим итһәм, Фидәлиә Шәһит ҡыҙы кескәй балалар өсөн үҫтереүсе интерактив уйындары менән таныштырҙы. Интерактив уйындар педагогтарға белем биреү процесын ҡыҙыҡлы, мауыҡтырғыс итеп ойошторорға, балаларға үҙҙәрен асырға, иптәштәре һәм өлкәндәр менән аралашырға, һөйләшергә, үҙ фекерен әйтергә, яңы белем тупларға ярҙам итә.
Фестиваль бик фәһемле үтте. Шуныһы ҡыуаныслы: балалар баҡсаларында заман менән бергә атлаған, яңылыҡҡа ынтылған, тырыш, дәртле педагогтар эшләйҙәр.

Уразбаева А.Ф.

15 март көнө "Аҡбуҙат" балалар баҡсаһында фәнни - ғәмәли конференция үтте. Нисек итеп кишер һәм һуған үҫтерергә? Һыуҙың, шәкәрҙең үҙенсәлектәре. Микробтар ҡайҙа йәшәй? Лимондың файҙаһы. Тештәрҙе нисек һаҡларға? Аҡса тарихы. Ҡартатай нисек Еңеү килтергән? Ошо һәм башҡа бик күп һорауҙар буйынса, балалар конференцияны алып барыусы Асылбаева М.Ә. менән берлектә, ҡунаҡ булып килеүсе Кузяға (Ҡолмөхәмәтова Р.И.) аңлатып үттеләр. Өҫтәүенә, барыһы ла өлкәндәрсә төрлө тәжрибәләр аша һығымта яһаны. Эҙләнеү – тикшеренеү эштәренә тәрбиәселәр йөкмәткеле слайдтар әҙерләгән. Әлбиттә, конференцияның еңеүселәре лә билдәләнде. Алтынбаева Ая (Ташбулатова Ә.Ә.) - 1 урын, Зиннуров Арслан (Хәсәнова Ә.Ш.) – 2 урын, Алсынбаев Данил (Юнысбаева Г.Ғ.) – 3 урын яуланы. Фәнни - ғәмәли конференцияла ҡатнашыусы балаларҙы һәм әҙерләгән педагогтарҙы ҡотлайбыҙ! Афарин!!!