МДОБУ ЦРР - детский сад "Акбузат" город Сибай Республика Башкортостан

#ДНПК
#Фәнниғәмәликонференция

Бөгөн 22 март көнө ҡала кимәлендә балалар баҡсалары тәрбиәләнеүселәре араһында "Фәнгә тәүге аҙымдар - 2023" беренсе балалар фәнни - ғәмәли конференцияһы үтте. Локаль этапта еңеүсе булған 16 йәш эҙләнеүсе "Айгөл" балалар баҡсаһында осрашты. Конференция ла балалар йәш ғалимдәр ролендә булдылар һәм үҙҙәренең асыштары, күҙәтеүҙәре тураһында һөйләне, тәжрибәләре менән уртаҡлашты. Һәр бала үҙенең тәүге асыштарының әһәмиәтен тойҙо. Бөтә эштәрҙә айырым иғтибарға лайыҡ булды һәм тикшеренеүселәр маҡтау ҡағыҙы менән бүләкләнде.
"Аҡбуҙат" балалар баҡсаһы тәрбиәләнеүсеһе Алтынбаева Ая (тәрбиәсеһе Ташбулатова Ә.Ә.) "Һыу һәм уның үҙенсәлектәре" тип исемләнгән тема менән сығыш яһаны һәм призер дипломына лайыҡ булды! Афарин Ая!! Гел шулай тырыш, уңған булып ҡал! Уңыштар һиңә!

#Международныйденьлеса-21марта
#Халыҡ-араурманкөнө
#"Аҡбуҙат"балаларбаҡсаһы
#"Бәпембә" төркөмө
21 март – Халыҡ-ара урман көнө. Урман—Ер йѳҙѳндәге иң ҙур хазина тип әйтһәк, һис кенә лә хата булмаҫ. Урман — ул кислород сығанағы, урман — ул үпкә. Ошо хазинаны һаҡларға, яратырға өйрәтеү маҡсатында "Бәпембә" төркөмөндә (тәрбиәселәр Хәсәнова Ә. Ш., Ташбулатова Ә. Ә.) төрлө эшмәкәрлек ойошторолдо. "Урман - беҙҙең байлығыбыҙ", "Урмандағы хайуандар" темаларына әңгәмәләр үткәрелде, Зәйнәб Биишеваның "Ағас ултыртыу" хикәйәһе менән таныштылар. Урманда үҙеңде тотоу ҡағиҙәләрендә ҡабатланылар.
Урмандарҙы еребеҙҙең йәшел ҡалҡанын һаҡлайыҡ! Киләсәк быуынға тапшырыр мираҫ ҡалдырайыҡ!