МДОБУ ЦРР - детский сад "Акбузат" город Сибай Республика Башкортостан

#Педагогһәмостазйылы
#Йондоҙлоюлфестивале
#Фәнниғәмәликонференция
#Аҡбуҙатбалаларбаҡсаһы
17 март көнө “Тейенкәй” балалар баҡсаһында "Педагог һәм остаз" феставаленең йомғаҡлау сараһы уҙғарылды. Ул “Инновациялар һәм технологиялар: йәмғиәт, хоҡуҡ, мәғариф” темаһына фәнни – ғәмәли конференция формаһында үтте. Конференцияла "Йәш белгестәрҙең профессиональ хәрәкәтен үҫтереү",. "Педагогтың һөнәри компетентлығын күтәреү факторы булараҡ конкурс хәрәкәте", "Педагогтар өсөн мәктәпкәсә белем биреү сифатына мониторинг әҙерләү һәм үткәреү үҙенсәлектәре" темаларына сығыштар булды.
Конференция аҙағында йәш педагогтарға һәм остаздарға “Педагог- остаз”, “Педагог- эҙләнеүсе” дәрәжәһен белдереүсе сертификаттар тапшырылды. “Аҡбуҙат" балалар баҡсаһынан Иҙрисова Розалия Ғәлийән ҡыҙы һәм уҡытыусы - логопед Уразбаева Айгөл Фәтих ҡыҙы “Педагог- остаз” исеменә лайыҡ булдылар! Афарин !!! Ҡотлайбыҙ!!! Артабанғы эшегеҙҙә ижади уңыштар, яңы асыштар теләйбеҙ. Йәш педагогтарға оҫталыҡ кластарында алған белемдәрен үҙ эштәрендә әүҙем ҡулланырҙар тигән ышаныста ҡалабыҙ.

#Һаумы, һаумы, әкиәт
#Аҡбуҙатбалаларбаҡсаһы
17 март көнө "Аҡбуҙат" балалар баҡсаһында әкиәт һөйләүселәр араһында "Һаумы, һаумы, әкиәт!" конкурсының локаль этабы үтте.
Был конкурс талантлы балаларҙы асыҡлау, башҡорт телен, ғөрөф - ғәҙәтен һаҡлау, әкиәтселәр үҫтереү, үҫеп килеүсе йәш быуында тарихи һәм мәҙәни мираҫҡа һаҡсыл ҡараш тәрбиәләү маҡсатында ойошторолдо.
Балалар сараның тәүге минутынан тылсымлы йомғаҡ ярҙамында әкиәт донъяһына сумдылар. Унда әкиәт иленең хужабикәһе (тәрбиәсе Иҙрисова Р.Х.) ҡаршы алды. Әкиәт һөйләүселәр үҙҙәренең яратҡан әкиәттәрен һөйләп ишеттерҙеләр. Конкурста төрлө йәштәге 23 тәрбиәләнеүсе ҡатнашты. Яңғыҙ әкиәт һөйләү буйынса бөтәһе - 18 бала булһа, йәнһүрәт төшөрөүҙә - 5 бала ҡатнашты. Иң йәш ҡатнашыусыға ни бары 2 йәш ине. Жюри ағзалары тарафынан еңеүселәр билдәләнде:
2 - 4 йәшлектәр араһында Сафина Милена - Гран - при (етәксеһе Сафина З.З), Сынгизов Замир -1 урын, Ғүмәров Иҙел 2 урын ( Вәлитова Р.З.), Аллабердина Алтынай - 3 урын (Абдуллина Р. Й.).
5 - 7 йәшлектәр араһында Арыҫланбаев Арыҫлан - Гран - при (Хәсәнова Ә.Ш.), Мөхәмәтҡужин Арыҫлан -1 урын, Исламова Регина - 3 урын (Ташбулатова Ә.Ә.).
Йәнһүрәт буйынса Вәхитов Ибраһим, Ибраһимова Эвелина, Исламгулова Рушан Гран - при (Кунсбаева Л.Х.), Әбүбәкирова Азалина 1 урын (Ташбулатова Ә.Ә.), Мөхәмәтҡужина Юлиә 2 урын (Йыһангирова Г.М.) яуланылар.
Үткәрелгән был сара балалар өсөн бик файҙалы һәм фәһемле булды. Һәр ҡатнашыусы дипломдар һәм иҫтәлекле бүләктәр алып ҡыуандылар. Киләсәктә тағы ла балаларға уңыштар теләйбеҙ. Әкиәт балаларҙың ысын дуҫы булып ҡалһын.

"Аҡбуҙат" балалар баҡсаһының "Йәйғор" кескәйҙәр төркөмөндә эҙләнеү - тикшеренеү эшмәкәрлеге әүҙем алып барыла. Балалар менән берлектә һуған ултыртып, көндә тәрбиәләү һәм күҙәтеү эштәре алып барабыҙ.
Кескәйҙәр һуғанды нисек ултыртыу тураһында ғына белеп ҡалманылар, ә уның ниндәй файҙалы, витаминға бай булыуы тураһында ла белемдәрен арттырҙылар.

#фәнниғәмәликонференцияла
#НПК
#кескәйэҙәрмәндәр
#Аҡбуҙатбалаларбаҡсаһы