#өйҙәУлтырабыҙ #дистанционЭшләйбеҙ
"Аҡбуҙат" балалар баҡсаһының "Йәйғор" төркөмө тәрбиәләнеүселәре өйҙә дистанцион рәүештә үҙ эштәрен дауам итәләр. Көн һайын тәрбиәселәре Ташбулатова Әлфиә Әдиф ҡыҙы план буйынса маҡсат ҡуйып, белем биреү эшмәкәрлеген балаларға һәм уларҙың ата - әсәләренә әҙерләп ебәреп тора. Әлбиттә, ата - әсәләр эштәрҙе бик етди ҡабул итәләр. Әле лә ошо көндәрҙә балаларға яҙ миҙгеле тураһында ҡыҙыҡлы бик күп мәғлүмәттәр бирелде, балалар менән ҡулдың ваҡ моторикаһын үҫтереү өсөн эштәр тәҡдим ителенде. Бәләкәстәр атай, әсәйҙәре менән бергәләшеп пластилиндән хайуан әүәләнеләр, төрлө таяҡсаларҙан мауыҡтырғыс уйындар уйнанылар. Ысынлап та, был эшмәкәрлектәр баланың ваҡ моторикаһын үҫтереп кенә ҡалмай, баланың телмәр үҫешенә лә булышлыҡ итә. Бәләкәстең телмәре үҫешкән, камиллашҡан икән уға фекерләүе лә еңелерәк. "Баланың аҡылы бармаҡ остарында", - педагог В.А.Сухомлинский һүҙҙәрен тәрбиәселәрҙә, ата - әсәләрҙә онотмай.
|