МДОБУ ЦРР - детский сад "Акбузат" город Сибай Республика Башкортостан

#өйҙәУлтырабыҙ
#дистанционЭшләйбеҙ
Баланы кесе йәштән  үк  нәфис әҙәбиәткә ылыҡтырыу мөһим.  "Аҡбуҙат" балалар баҡсаһының иң  кескәйҙәре лә әкиәт  яраталар. Әлбиттә,  әкиәт менән  таныштырыуҙы уҡыу, һөйләү генә түгел, ә әкиәт персонаждарын балаға  уйнап күрһәтһәң  бала өсөн ниндәй бәхет! Телде үҙләштереүгә лә йоғонтоһо ҙур. Тап әкиәт аша кескәйҙәр тормош нигеҙҙәрен өйрәнә.

#өйҙәултырабыҙ
#дистанционэшләйбеҙ
"Аҡбуҙат" балалар баҡсаһының "Күгәрсен" телмәр төҙәтеү төркөмө тәрбиәләнеүселәре һәм ата-асәләре уҡытыусы - логопед менән дә тығыҙ бәйләнеш тоталар,  дистанцион ойошторолған эшмәкәрлеккә бик етди ҡарайҙар. Әлбиттә, һөйләшкәндә дөрөҫ тын ала белеү үтә мөһим процесс. Был ваҡытта өндәр асыҡ, аңлайышлы ишетелә, телмәр тасуири була. Һәм  ата - әсәләргә  балаларҙы дөрөҫ тын  алырға төрлө уйын формаһында  күнегеүҙәр  тәҡдим итәм. Был күнегеүҙәрҙе балалар ихлас күңелдән башҡаралар. Унан тыш телмәр үҫтереү буйынса ла балалар ата-әсәләр менән уҡытыусы-логопедтың кәңәшенә иғтибар бүлеп,  биргән уйындарҙы  бик әүҙем башҡаралар.  Өндәргә һүҙҙәр уйлау,  һүҙҙәрҙе ижеккә бүлеү, һүҙҙәрҙән һөйләмдәр төҙөү кеүек кунегеүҙәрҙе ихлас күңелдән үтәйҙәр. Дистанцион рәүештә  ата-әсәләр балаларҙың төрлө яҡлап үҫешенә тос өлөш индергәне өсөн  үҙемдең рәхмәтемде белдерәм.

Уҡытыусы-логопед Әминева Рәшиҙә Иҙрис ҡыҙы

#өйҙәултырабыҙ
#өйҙәяҡшыраҡ
#дистанционэшләйбеҙ
"Акбуҙат" балалар баҡсаһының иртә йәштәге "Тейенкәй" төркөмө балалары ата - әсәләр менән берлектә "Бесәйҙең өйө яна" әкиәте менән танышты. Әкиәт буйынса төрлө материалдан өй төҙөнөләр. Шул уҡ ваҡытта хәүефһеҙлек ҡағиҙәләрен дә өйрәнде бәләкәстәр. Бик фәһемле үтте көнөбөҙ.