МДОБУ ЦРР - детский сад "Акбузат" город Сибай Республика Башкортостан

                           Өйҙә ултырабыҙ

                      Өйҙә ултырырға тигән,

                      Әмер алды һәр кеше.

                      Кемдәрҙер өйҙә,ә кемдер

                      Дауам итә үҙ эшен.

 

                       Интернет аша эшләйбеҙ

                       Һәр бала,ғаилә менән.

                       Әсәйҙәр дәрес үткәрә,

                      Бергә ҙур теләк менән.

 

                     Уйнайҙар ҙа, бейейҙәр ҙә

                     Һүрәт тә төшөрәләр.

                     Тәмле итеп балаларға

                     Аштарын бешерәләр.

 

                    Күҙәтеүсе генә түгел,

                   Беҙ һаман тәрбиәсе.

                   Ауырлыҡты еңеп сығырбыҙ

                   Бергә эшләп һәр эште.

 

                                                              Йыһангирова Гөлнара Марат ҡыҙы

                                                           “Аҡбуҙат” балалар баҡсаһы тәрбиәсеһе

                   

                

             

                          

 

#ӨйҙәЯҡшыраҡ #

Билдәле ,  һәр бер баланың  да   иң яратып уйнаған билдәле   бер уйынсығы була. Бар күңелен һалып, ҡәҙерләп   уйнаған уйынсығы бала күңеленә   тик яҡшы тойғолар бирә,  донъяны танып белергә ярҙам итә.  Ошо көндәрҙә  "Аҡбуҙат" балалар баҡсаһында   "Минең яратҡан уйынсығым" исемле интернет акция ойошторолдо. Мауыҡтырғыс  та , күңелле лә был акцияға барлыҡ ата - әсәләр  һәм  кескәйҙәр ихлас ҡушылды. Шарттары бик ябай: баланың  үҙенең ИҢ яратҡан уйынсығы менән уйнап  йөрөгән мәлен фотоға төшөрөп  һалырға. Әйтергә кәрәк,  кескәйҙәр рәхәтләнеп яратҡан уйынсыҡтары менән төрлө уйындар уйнап кинәнһә,   ата - әсәләр  ҙә  ваҡыттарын бергә үткәреп , ғәмһеҙ  баласаҡ иленә сумды !

               

               

                            

Аҡбуҙат  балалар баҡсаһының “Толпар” төркөмө тәрбиәләнеүселәре  #ӨйҙәЯҡшыраҡ #өйҙә ултырабыҙ# акцияларына  ҡушыла.  Балалар  ата-әсәләр  менән берлектә көндәрен бик файҙалы  һәм фәһемле итеп үткәрәләр. Бөгөндә тәрбиәләнеүселәр атай, әсәйҙәре менән берлектә  Р. Ғәриповтың "Сыйырсыҡ " шиғырын өйрәнеп ихлас күңелдән һүрәт эшләнеләр. Балалар өйҙә ултырыуға ҡарамаҫтан ҙур теләк менән шөғөлләнәләр. #өйҙәяҡшыраҡ # #өйҙәултырабыҙ# лозунгылары аҫтында үткәрелгән саралар  аша балаларҙың нәфис әҙәбиәткә ҡыҙыҡһыныуы  арта, телмәре,  ҡул моторикаһы үҫешә