#башҡортТелейылы
#ӨйҙәЯҡшыраҡ
Туған телем - башҡорт теле ,
Башҡа телде лә беләм.
Тик яҡыны әсәм теле,
Бирә ул миңә белем.
Атай - әсәй, тыуған йорт, туған тел, Тыуған ил... Былар бер -береһенә тығыҙ бәйләнгән, кешенең күңел түрендә сабый саҡтан урын алған иң ғәзиз төшөнсәләр. Ысынлап та, туған телеңде яратыу -Тыуған илде, ата -әсәйеңде яратыу ул.
Дәүләт Йыйылышы - Ҡоролтай тарафынан 2020 йыл Республикабыҙҙа Башҡорт теле йылы тип иғлан ителде. Шул йәһәттән, "Аҡбуҙат" балалар баҡсаһының кескәйҙәре лә башҡорт телендә әкиәт уҡыу, шиғыр ятлауҙан тыш башҡорт телендә йәнһүрәттәр ҙә ҡарайҙар. Йәнһүрәт ҡарап, бәләкәстәр ваҡыт үткәреп кенә ҡалмайҙар, ә яҡшылыҡты яманлыҡтан айырырға, бер - береһенә ихтирамлы, иғтибарлы булырға өйрәнәләр. Шулай уҡ йәнһүрәттәр ҡарап, кескәйҙәрҙә туған телебеҙ - башҡорт теленә ҡарата һөйөү уяна. Ә был - иң мөһиме!
  
|
