#ӨйҙәЯҡшыраҡ
#дистанционэшләйбеҙ
Вирус...Коронавирус..
Тажлы киҙеү... Тәү ҡарамаҡҡа ябай ғына һүҙҙәр... Ә күпме кешенең аһ - зарын, ҡайғы - хәсрәтен үҙ эсенә алған... Әйе, бөтә планетаның аҫтын -өҫкә әйләндергән сир ул.
Шул вирус арҡаһында күпме халыҡ яратҡан эшенән, уҡыусылар мәктәптән, ә кескәйҙәр балалар баҡсаһынан айырылып өйҙә ултырырға мәжбүр. Шуға ҡарамаҫтан, бер кемдең дә бойоғоп ултырырға ваҡыты юҡ. Сөнки бына бер ай дауамында инде беҙҙең ҡалала дистанцион эш алып барыла. Беҙҙең "Аҡбуҙат" балалар баҡсаһы тәрбиәселәре лә ситтә тороп ҡалмай, әүҙем генә эшләйҙәр. "Тейенкәй" төркөмө бәләкәстәре лә көн һайын атай, әсәйҙәре менән бергә әкиәт уҡыйҙар, һүрәт төшөрәләр , йәнһүрәт тә ҡарап өлгөрәләр . Ә бөгөн ташландыҡ материалдар һәм пластилиндан яратҡан йәнһүрәт геройҙарын эшләнеләр. Бик тырыш һәм уңған беҙҙең кескәйҙәр!
Тиҙҙән беҙҙең балалар баҡсаһы ла үҙ тәрбиәләнеүселәренә ишектәрен асыр тигән өмөттә ҡалабыҙ.
   |
